मेरिङदेनले दियो पुसे मेलाका लागि दुई दिन स्थानीय बिदा
ताप्लेजुङ। ताप्लेजुङको मेरिङदेन गाउँपालिकाले पुसे मेलाका लागि दुई दिन स्थानीय बिदा दिएको छ। कार्यपालिकाको बैठकको निर्णयअनुसार पुस ३ गते र ४ गते स्थानीय बिदा दिएको पालिकाले जनाएको छ। उक्त दुई दिन आकस्मिक सेवा बाहेक पालिका मातहतका सरकारी कार्यालयहरूमा विद्यालय एवं सङ्घसंस्थाहरू बन्द रहने पालिकाले जनाएको छ। मेरिङदेन र आठराई त्रिवेणी गाउँपालिकाको समस्थल दोभानमा पुसे मेला २०३१ सालदेखि लगातार पुस १ गतेदेखि ५ गतेसम्म लाग्दै आएको ऐतिहासिक मेला हो।
