आठराईत्रिवेणी हाङपाङमा एक घर जल्दा ८ लाख बराबरको क्षति
ताप्लेजुङ । ताप्लेजुङको आठराईत्रिवेणी गाउँपालिका तीन हाङपाङमा बुधबार एक घर जलेर नष्ट भएको छ। जिल्ला प्रहरी कार्यालय ताप्लेजुङका अनुसार स्थानीय इन्द्रबहादुर निरौलाको घर जलेको हो । उक्त माटोढुङ्गा र जस्ताले छाना छाएको तीनतले घर जल्दा आठ लाख बराबरको क्षति भएको प्रहरीले जनाएको छ। उक्त घरमा मानवीय र पशु चौपायको क्षति नभएको र घरभित्र भएका लत्ता कपडा अन्नपात सम्पूर्ण जलेर नष्ट भएको बताइएको छ। स्थानीय र प्रहरीले आगो नियन्त्रणमा लिएका थिए। घरधनी निरौला मोरङको लेटाङमा बस्दै आएको प्रहरीको भनाइ छ ।
