नेपाल फाइनलमा, उपाधिका लागि भारतसँग भिड्ने
काठमाडौं । काभा वुमन्स नेसन्स लिगमा नेपाल फाइनल प्रवेश गरेको छ ।
मंगलबार भएको खेलमा नेपालले इरानलाई ३-० को सोझो सेटले हराउँदै फाइनलमा प्रवेश गरेको हो। त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा भएको खेलमा नेपालले ईरानलाई २५–२१, २८–२६ र २५–२० ले हरायो। तीनवटै सेट निकै रोमाञ्चक र प्रतिस्पर्धात्मक बनेको भएपनि अन्तिममा इरान नेपाल सामु निरिह बन्न पुग्यो।उपाधिको लागि भोलि बुधवार नेपालले भारतसँग भिडन्त गर्नेछ ।
