प्रथम लिङतेप गोल्डकपमा कुम्मायक कुसायक बन्यो च्याम्पियन

प्रथम लिङतेप गोल्डकपमा पाँचथरको कुम्मायक कुसायक युथ क्लब च्याम्पियन बनेको छ ।  मङ्गलबार सम्पन्न फाइनल खेलमा साथीभाइ युवा क्लब फुङ्लिङ ताप्लेजुङलाई ४ –२ गोल अन्तरले पराजित गर्दै कुम्मायक कुसायकले च्याम्पियन बनेको हो । साथीभाइले खेलमा दोब्बर अग्रता बनाए पनि जोगाउन नसक्दा उपाधि कुम्मायकलाई सुम्पिएको हो । प्रतियोगिताको विजेता बनेसँगै कुम्मायक कुसायकले ट्रफी, मेटल र प्रमाणपत्र सहित ३ लाख २ हजार ८२ रुपैयाँ प्राप्त गरेको छ भने उपविजेता साथीभाइले ट्रफी ,मेडल र प्रमाणपत्र सहित १ लाख ५२ हजार ८२ प्राप्त गरेको छ। जमिन लक्समको गोल मार्फत साथीभाइले सुरुवाती अग्रता बनाएको थियो। लक्समले खेलको १० औं  र १८ औँ  मिनेटमा गोल गरेर कुम्मायक कुसायकलाई दबाबमा राखेका थिए। दोस्रो हाफमा खेलमा फर्किएको कुम्मायक कुसायकले  नाटकीय जित निकाल्यो । उसका लागि ४९ औ मिनेटमा लोकेन्द्र थापाले गोल गर्दै नतिजा २ –१ मा ल्याए  । सेमसेङ लावतीले खेलको ५८ मिनेटमा गोल  गर्दै खेल बराबरीमा ल्याए  । त्यसपछाडि  ६० औँ मिनेटमा सुशील लिम्बुले गोल गरेपछि खेल कुम्मायक कुसायकको पक्षमा गयो  । ८२ औँ मिनेटमा  सुशील लावतीले  गोल गर्दै साथी भाइसँगको खेल ४– २ ले टुङ्ग्याइदिए। ऐतिहासिक श्री पञ्चमी मेलाका अवसरमा प्रगतिशील युथ क्लब लिङ्तेपले प्रतियोगिता यस वर्ष प्रथम संस्करणको रूपमा आयोजना गरेको हो।