सञ्चारकर्मी मदन पौडेल बेपत्ता भएको सात वर्ष, अवस्था अज्ञात

ताप्लेजुङको पहिलो सामुदायिक रेडियो, रेडियो तमोर १०२ मेगाहर्जमा कार्यरत सञ्चारकर्मी मदन पौडेल बेपत्ता भएको सात वर्ष पूरा भएको छ ।

तर अहिलेसम्म उनको ठाउँ–ठेगाना पत्ता लाग्ने सकेको छैन । २०६९ साल भदौ ३१ गते ताप्लेजुङको पहिलो डान्स स्टार ०६९ को कार्यक्रममा रेडियो पार्टनरको हौसितमा तत्कालीन फुलबारी गा.वि.स.मा गएका बेला बेपत्ता भएका मदन अहिलसम्म बेपत्ता नै रहेका छन् ।

बेपत्ता भएका पौडेलको अवस्था तथा बेपत्ता हुनुको कारण खोजी गर्न नेपाल पत्रकार महासंघले गठन गरेको छानबिन समितिले पनि पौडेल बेपत्ता हुनु रहस्यमय र सुनियोजित हुनसक्ने प्रतिवेदन सार्वजनिक गरेको थियो । बेपत्ता भएका सञ्चारकर्मी पौडेलको आठ दिनपछि मोवाइल र पर्स भेटिएको थियो ।

पौडेल रेडियो तमोर ताप्लेजुङका तत्कालिन सिनियर प्राविधिक थिए ।