ईलामलाई हराउदै सुनसरी पाथीभरा गाेल्डकपकाे फाईनलमा

 
ताप्लेजुङ । बुधबार सम्पन्न चौथो पाथिभरा गोल्ड कपको पहिलो सेमी फाइनल खेलमा एलाभेन एरोज क्लब, सुन्सरीले रेडहर्स क्लब ईलामलाई २-० गोलान्तरले हराउदै फाइनल प्रबेश गरेको छ ।

खेलको ४५ औँ मिनेटमा एलाभेन एरोज सुनसरीका खेलाडी  यानीक ओनाले १ गोल गर्दै टिमलाई  अग्रता दिलाए । खेलको ९१ औ मिनेटमा सुनसरिका खेलाडी स्याम  चौधरीले गोलान्तरलाई दोब्बर बनाएपछि सुनसरीको जित निश्चित भयो ।  एलाभेन एरोज सुनसरीले यूकेएफसी दार्जिलिङलाई पराजित गर्दै सेमिफाइनल प्रबेस गरेको हो ।

बुधबार सम्पन्न पहिलो सेमी फाइनल खेलमा म्यान अफ दि म्याच  एलाभेन एरोज सुनसरीका खेलाडी यानीक  ओना  घोसित भए । बिहिबार डाँगीहाट फेट्बल क्लब मोरङ र रेडस्टार क्लब बिर्तामोड, झापाबीच दिउँसो २ बजे दोश्रो सेमी  फाइनल खेल हुनेछ ।

३ लाख ११ हजार पुरस्कार राशीको चौथो पाथिभरा गोल्डकपको फाइनल खेल शुक्रबार हुनेछ । फाइनल खेलमा एलाभेन एरोज क्लब, सुन्सरीले बिहिबारको बिजेताको सामना गर्नेछ ।