सद्भावमाथि धावा बोलियो, गुठी विधेयक स्थगित गरौं : योगेश भट्टराई
काठमाडौं, सत्तारुढ नेपाल कम्युनिष्ट पार्टी (नेकपा)का स्थायी कमिटि सदस्य योगेश भट्टराईले गुठी विधेयक स्थगन गरी नयाँ शिराबाट अघि बढ्नुपर्ने बताएका छन् । गुठी विधेयकको आन्दोलनमार्फत साम्प्रदायिक सद्भावमाथि धावा बोल्न थालिएको भन्दै सरकारलाई स्थगन गर्न सुझाएका हुन् ।
आइतबार सामाजिक सञ्जाल ट्विटरमार्फत नेता भट्टराईले प्रधानमन्त्री केपी शर्मा ओली स्वादेश फर्के लगत्तै सरकारलाई यस्तो सुझाव दिएका हुन् ।
नेता भट्टराईले यो विधयकको बारेमा बुझाउनु पर्नेले बुझाउन नसकेको र बुझ्नु पर्नेले बुझन् कोशिस नै नगरेको उल्लेख गरेका छन् ।
सामाजिक सञ्जाल ट्वीटरमा प्रधानमन्त्री केपी शर्मा ओलीलाई मेन्सन गर्दै उनले लेखेका छन्, ‘बुझाउनु पर्नेले बुझाउन सकेनन्, बुझ्नु पर्नेले बुझ्न् कोशिस नै गरेनन् ।आगोमा रोटी सेक्न अवान्छित पनि मिसिए र साम्प्रदायिक सद्भावमाथि धावा बोल्न थाले । प्रधानमन्त्री स्वदेश फर्कनु भयो। अब यो विधेयकलाई स्थगित गरी नयाँ शिराबाट अघि बढ्नु नै उपयुक्त होला, प्रधानमन्त्री ज्यू ।’
स्वादेश फर्किने क्रममा प्रधानमन्त्री ओलीले पनि गुठी विधेयक सच्याउने बताएका छन् । उनले भनेका छन्, ‘म आइसक्या छु सबै कुरा हेरेर सांस्कृतिक र ऐतिहासिक धरोहर, परम्परतामा कुनै कुराले कहीँ पनि जानेररनजानेर घच्चा लागेको रहेछ भने सरकारले सच्याउँछ ।’ .
तर ओलीले गुठीले गरिबमाथि शोषण भइराखेको पनि बताए । ‘कतिपय ठाउँमा गुठीका नाममा गरिबमाथि शोषण भइराखेको छ,’ प्रधानमन्त्रीले भने, ‘साँस्कृतिक धरोहरसँग जोडिएका ठाउँमा कतै धक्का लागेको रहेछ भने सरकारले विचार गर्छ।’
यो पनि पढ्नुहोस्
