३ दिन सार्वजनिक बिदा दिन आयोगको सिफारिस
काठमाडौँ : निर्वाचन आयोगले आसन्न निर्वाचनमा मतदाताको सहभागिता बढाउने उद्देश्यसहित फागुन २०, २१ र २२ गते सार्वजनिक बिदा घोषणा गर्न नेपाल सरकारसँग सिफारिस गरेको छ ।
आयोगका अनुसार मतदान प्रक्रियामा अधिकतम सहभागिता सुनिश्चित गर्न र मतदाता अनुकूल वातावरण सिर्जना गर्न उक्त अवधि बिदा आवश्यक हुने निष्कर्षसहित सरकारलाई प्रस्ताव पठाइएको हो ।
सरकारको निर्णय अनुसार सार्वजनिक बिदा सम्बन्धी अन्तिम व्यवस्था कार्यान्वयनमा आउने बताइएको छ। आयोगले सिफारिस गरे अनुसारको निर्णय भए निर्वाचनको समयमा एक साता नै बिदा हुनेछ।
यसपालि फागुन १८ गते पहाडमा र १९ गते तराईमा होली परेको छ। २३ गते शनिबार र २४ गते आइतबार अन्तर्राष्ट्रिय महिला दिवस पनि मनाइँदै छ।
यसरी समग्रमा निर्वाचनताका एक साता नै बिदा हुने भएको छ।
यो पनि पढ्नुहोस्
