भ्रमपूर्ण सूचना राख्ने ४८ फेसबुक पेजलाई कारबाही

काठमाडौँ : प्रेस काउन्सिल नेपालले आचारसंहिता विपरीत सामग्री प्रसारण गरेको भन्दै ४८ सामाजिक सञ्जालमाथि कारबाही गरेको छ।काउन्सिलले विज्ञप्ति जारी गर्दै मिडियाको स्वरूपमा सञ्चालन भई गलत, भ्रमपूर्ण, गालीगलौजयुक्त तथा हिंसा र उत्तेजना फैलाउने सामग्री सम्प्रेषण गर्ने सञ्जालहरूलाई कारबाही गरिएको जानकारी दिएको छ ।

काउन्सिलका अनुसार मिडियाअन्तर्गत वर्गीकृत २५ सञ्जाललाई प्रतिकूल सामग्री हटाउन तथा स्थगित गराउन निर्देशन दिइएको छ। साथै, भविष्यमा यस्ता गतिविधि नगर्न सचेत गराइएको छ । मिडियामा आबद्ध नभएका १३ सामाजिक सञ्जालबारे भने अनुसन्धान गरी आवश्यक कारबाहीका लागि प्रहरीले पत्राचार गरिएको काउन्सिलले जनाएको छ।