योगेश भट्टराईको आह्वान : अतिवादले विनाश गर्छ, सचेत बनौँ
काठमाडौँ । नेकपा एमालेका सचिव योगेश भट्टराईले देशमा उत्पन्न विषम परिस्थिति तथा मधेस प्रदेशको संवेदनशीलता ख्याल गर्दै निकासका लागि संवाद गर्न आग्रह गरेका छन् । साथै उनले अतिवादले विनाश गर्ने भएकाले सचेत बन्नुपर्ने बताएका छन् ।
सचिव भट्टराईले सोमबार सामाजिक सञ्जाल फेसबुकमा लेख्दै यस्तो आग्रह गरेका हुन् । ‘आज देशमा उत्पन्न विषम परिस्थिति तथा मधेस प्रदेशको भौगोलिक तथा राजनीतिक संवेदनशीलतालाई ख्यालमा राखेर संविधान सम्मत निकासका लागि संवाद र छलफलको माध्यमबाट अघि बढ्न मधेस प्रदेशमा क्रियाशील राजनीतिक दल, नागरिक समाज लगायत सम्बद्ध सबैमा हार्दिक अनुरोध गर्दछु’, भट्टराईले भनेका छन्, ‘अतिवादले विनासमात्र गर्छ सचेत बनौँ ।’
मधेस प्रदेशमा एमालेका सरोजकुमार यादव मुख्यमन्त्री नियुक्त भएपछि अन्य दलका नेता कार्यकर्ता र सांसदहरू मुख्यमन्त्री कार्यालयसहित प्रदेश प्रमुखको कार्यालयसम्म तोडफोडमा संलग्न भएका छन् ।
यो पनि पढ्नुहोस्
