कक्षा १२ को पूरक परीक्षाको परीक्षाफल सार्वजनिक
काठमाडौं : कक्षा १२ को मौका (पूरक) परीक्षाको परीक्षाफल प्रकाशन भएको छ । राष्ट्रिय परीक्षा बोर्डले आइतबार पूरक परीक्षाको नतिजा प्रकाशित गरेको हो ।बोर्डका अनुसार परीक्षामा १ लाख ४ हजार २६ जना परीक्षार्थी सहभागीमध्ये ७६ हजार ३ सय ६७ जना अर्थात् ७३.४१ प्रतिशत ग्रेड प्राप्त गरेका छन् ।यसैगरी, चारजनाको परीक्षाफल रद्द भएको छ । गत असोज ७ र ८ गते कक्षा १२ को मौका परीक्षा सञ्चालन गरिएको थियो ।
नतिजामा कुनै विषयको ग्रेडमा चित्त नबुझी पुनर्योग गर्न चाहने परीक्षाहरूले प्रति विषय १ हजारका दरले अनलाइन मार्फत् दस्तुर बुझाइ परीक्षाफल प्रकाशन भएको मितिले १० दिनभित्र राष्ट्रिय परीक्षा बोर्डमा आवेदन दिनसकिने छन्।
यो पनि पढ्नुहोस्
