नागार्जुनका मेयर बस्नेतलाई ८ वर्ष ३ महिना कैद
काठमाडौं। सम्पत्ति शुद्धीकरणको मुद्दामा नागार्जुन नगरपालिकाका निलम्बित मेयर मोहनबहादुर बस्नेतलाई ८ वर्ष तीन महिनाको कैद सजाय तोकिएको छ ।
विशेष अदालतका अध्यक्ष टेकनारायण कुँवर र सदस्य रामबहादुर थापाको इजलासले बस्नेतलाई सो सजाय निर्धारण गरेको हो । बस्नेतलाई घुस काण्डमा २ करोड ३० लाख ६१ हजार ५०८ रुपियाँ ८ पैसा जरिवाना तोकिएको छ । त्यसै गरी सम्पत्ति शुद्धीकरणको मुद्दामा बस्नेतलाई १३ करोड १२ लाख ७३ हजार ३२ रुपियाँ ३३ पैसा बिगो दाबी गरिएकोमा ३ वर्ष कैद सजाय हुने ठहर भएको छ भने बिगोको दोब्बर २६ करोड २५ लाख ४६ हजार ६४ रुपियाँ ८६ पैसा जरिवाना हुने ठहर भएको विशेष अदालतले जनाएको छ ।
त्यस्तै गैरकानुनी रूपमा कमाएको ठहर भएको सम्पत्तिसमेत जफत हुने भएको छ । बस्नेतमाथि सम्पत्ति शुद्धीकरणकै कसूरमा राष्ट्रसेवकलाई हुने अतिरिक्त १० प्रतिशत कैद सजायसमेत (३ महिना १० दिन) थप हुनेछ
