ताप्लेजुङको आइटी एकेडेमीले ल्यायो जिल्लामै निःशुल्क वेब डेभलपमेन्ट कोर्स
ताप्लेजुङ । ह्युमन प्राक्टिस फाउन्डेशन र भानुजन माध्यमिक विद्यालय मातहतको आइटी एकेडेमीले ताप्लेजुङ जिल्लामा पहिलो पटक निःशुल्क वेब डेभलपमेन्ट कोर्स सञ्चालन गर्ने भएको छ । अहिले लेभल वान अन्तर्गतको ‘डिजिटल मार्केटिङ ’ र ‘ग्राफिक्स डिजाइन ’ कोर्स संचालन गराइरहेको एकेडेमीले ‘लेभल टु ’ अन्तर्गतको ६ महिने कोर्स ल्याएको एकेडेमीका प्रमुख बसन्त लिम्बुले बताउनुभयो।लिम्बुका अनुसार उक्त कोर्स सिक्नका लागि एकेडेमीको आधिकारिक वेबसाइट www.it-academy.io/apply-now मा अनलाइन फारम भर्न सकिनेछ।कोर्स गर्नका लागि आधारभूत कम्प्युटरको ज्ञान अनिवार्य हुनुपर्ने बताइएको छ। साथै अन्य काममा संलग्न नरहेका व्यक्ति हुनुपर्ने भनिएको छ । आवेदन दिन १८ वर्षदेखि ४० वर्ष उमेर हुनुपर्ने उल्लेख छ। कोर्स एकेडेमीको भवन फुङ्लिङ ४ अम्बिटारमा भौतिक रूपमा सञ्चालन हुनेछ।सहभागि हुन चाहाने महानुभावहरुले यही कार्तिक २० गतेसम्म अनलाइन फर्म भरिसक्नुपर्नेछ भने कक्षा सञ्चालन मङ्सिरको पहिलो सातादेखि हुने बताइएको छ।
यो पनि पढ्नुहोस्
