पाँचथरका बिशाल राई बने अन्तराष्ट्रिय रेडपाण्डा ट्रेल म्याराथनको सर्बोत्कृष्ट

ताप्लेजुङ।  ताप्लेजुङमा आयोजना गरिएको अन्तराष्ट्रिय रेडपाण्डा ट्रेल म्याराथन प्रतियोगिताको सर्बोत्कृष्ट धावक बनि उपाधि पाँचथरका बिशाल राईले जितेकाछन । फुङलिङ बजारबाट सुरु भई ३ हजार ७ सय ९४ मिटर उचाईको पाथीभरा मन्दिरसम्म पुगेर पुनःफुङलिङ बजार फर्कने गरी निधारीत ४८ किलोमिटर दुरी ४ घण्टा १६ मिनेटमा पार गरेका थिए ।  उनले १ लाख रुपैयाँ पुरस्कार सुरक्षित गरेका छन ।

राई ४ हजार ४ सय मिटरको उचाईमा सम्पन्न तिम्बुङ पोखरी ट्रेल रनका बिजेता पनि हुन । अन्तिम घडीमा बझाङका करण रावललाई जितेर राई सर्बोत्कृष्ट बनेका हुन । रावल समग्रमा दोस्रो तथा पुरुषतर्फ पहिलो भएका छन । रावलले ४ घण्टा १७ मिनेटमा निधारित दुरी पार गरि नगद ५० हजार रुपैयाँ पुरस्कार प्राप्त गर्नेछन । ताप्लेजुङका रमेश लिम्बू समग्रमा तेस्रो तथा पुरुषतर्फ दोस्रो भएका छन । उनले नगद ३० हजार रुपैयाँ पुरस्कार प्राप्त पाउनेछन । यस्तै सोलुखुम्बुका अर्जुन कुलुङ राई पुरुषतर्फ तेस्रो हुनु भएको छ । उहाँले नगद २० हजार रुपैयाँ प्राप्त गर्नहुने छ ।

महिला तर्फको कुमारी गुरुङ अग्र स्थानमा दौडी रहनु भए पनि अन्तिम बिन्दु सम्म आइपुग्नु भएको छैन । हिमाली संरक्षण मञ्चले रेडपाण्डा नेटवर्क,जिल्ला समन्वय समिति,फुङलिङ नगरपालिका,पाथीभरा क्षेत्र विकास समिति सहितका निकायसंग मिलेर रेडपाण्डा ट्रेल म्याराथन प्रतियोगिता आयोजना गरेको हो । विश्व रेडपाण्डा संरक्षण दिवस९२१ सेक्टेम्बर०को अवसर पारेर आयोजित म्याराथनमा एक विदेशी सहित ५१ जना सहभागी रहेको हिमाली संरक्षण मञ्चले जनाएकोछ ।