युरोकपमा अन्तिम १६ को समीकरण तय, कसको भिडन्त को सँग ?
काठमाडौँ- युरोप फुटबलको अन्तिम १६ को समीकरण तय भएको छ । समूह चरणबाट अन्तिम चारमा जाने टोली टुंगिएसँगै नकआउट समीकरण तय भएको हो ।
बुधबार राति र बिहीबार बिहान सम्पन्न खेलबाट स्पेन, स्वीडेन, पोर्चुगल र जर्मनीले अन्तिम १६ मा स्थान बनाएका छन् ।
६ समूहको शीर्ष दुई र समूहको तेस्रो स्थानमा प्राप्त गर्ने मध्येको उत्कृष्ट चार टिमले अन्तिम १६ को यात्रा तय गरेका हुन् ।
यसपटक साविक विजेता पोर्चुगल, उपविजेता फ्रान्स, इटाली, जर्मनी, वेल्स, डेनमार्क,अष्ट्रिया, नेदरल्यान्ड्स, चेक रिपब्लिक, बेल्जियम, क्रोएसिया, स्पेन, स्विट्जरल्यान्ड, इंग्ल्यान्ड, युक्रेन र स्विडेनले नकआउट चरणमा स्थान बनाएका छन् । नकआउट चरणका खेल शनिबार शुरु हुनेछन् ।
कसको भिडन्त को सँग ?
वेल्सविरुद्ध डेनमार्क
इटालीविरुद्ध अष्ट्रिया
नेदरल्यान्ड्सविरुद्ध चेक रिपब्लिक
बेल्जियमविरुद्ध पोर्चुगल
क्रोएसियाविरुद्ध स्पेन
फ्रान्सविरुद्ध स्वीट्जरल्यान्ड
इंग्ल्यान्ड विरुद्ध जर्मनी
स्वीडेनविरुद्ध युक्रेन
यो पनि पढ्नुहोस्
