ताप्लेजुङको दोभान बजारमा आगलागी : १५५ तोला सुन जल्यो
काठमाडौं। ताप्लेजुङको दोभान बजारमा मङ्गलबार आगलागी हुँदा १५५ तोला बराबर सुन र ५२० तोला बराबरको चाँदीका गरगहना जलेर नष्ट भएको छ ।
त्यो सँगै चामल ४१ हजार १७५ केजी, अलैँची २९ हजार ६१७ केजी जलेर नष्ट भएको छ । अन्य घरायसी खाद्यान्न, लत्ताकपडा, भाँडावर्तनलगायतका सामग्री जलेको मेरिङदेन गाउँपालिकाले जनाएको छ ।
जिल्लाकै दोस्रो ठूलो बजारका रूपमा रहेको मेरिङदेन गाउँपालिका–३, खाम्लुङको दोभान बजारमा मङ्गलबार बिहान भएको आगलागीमा ५० वटा घर जलेर नष्ट भएका थिए ।
आगलागीबाट कुल ४० करोड पाँच लाख २४ हजार २९ रुपैयाँ बराबरको क्षति भएको छ ।
यो पनि पढ्नुहोस्
