बीरेन्द्र श्रेष्ठको जाले रुमाल’आज सार्वजनिक हुदैं

इञ्जिनियर पेशाबाट उब्रेको समय गीत–संगितलाई अर्पण गर्दागर्दै सांगितिक क्षेत्रमा जमेका श्रष्टा बीरेन्द्र श्रेष्ठले ‘जाले रुमाल’ बोलको नयाँ गीत बुधवार(आज) सार्वजनिक गर्दै हुनुहुन्छ । लोक पप जनरमा बनेको गीत र भिडियो आज अपरान्ह ४ बजे इनाक्सी इन्टरटेन्मेन्ट युट्युव च्यानलबाट रिलिज हुने भएको छ । जाले रुमालमा बीरेन्द्रलाई गायिका मेलिन राईले स्वरमा साथ दिनु भएको छ । गीतमा शब्द संगित भीम बिष्टको रहेको छ ।

गीतको म्युजिक भिडियोमा अहिलेका चर्चित नायक पल शाह, सरोज अधिकारी, चर्चित मोडल रियाशा दहााल र आश्मा बिश्वकर्माको अभिनय देख्न सकिनेछ । म्युजिक भिडियो संघीय राजधानीको पाँचतारे होटेल याक एण्ड यतिमा छायाङ्कन गरिएको श्रेष्ठले बताउनुभयो । भिडियोमा पल र सरोज दरबारका युवराज को भूमिकामा देखिनु हुने छ । बीरेन्द्रको घर हाम्रो लेकैमा, हिउँ पर्यो फुरुरु जस्ता गीतहरु चर्चित छन् । ताप्लेजुङको सिरिजङ्घा गाउँपालिका वडा नं १ सिनाममा जन्मिनु भएका श्रेष्ठ नेपाली गीत–संगितमा नयाँपनको खोजीमा हुनुहुन्छ ।‘त्यहिँ नयाँपन ‘जाले रुमाल’ मा देख्न र सुन्न सकिने उहाँको बिश्वास छ । नेपालको जलबिद्युत क्षेत्रमा लामो समय व्यतित गर्नु भएका उहाँ हाइड्रो इञ्जिनयर हुनुहुन्छ । रसियामा अध्ययन गर्नु भएका उहाँ आफैं परियोजना व्यवस्थापक बनेर आधा दर्जन बढी बिद्युत उत्पादनका योजनालाई पार लगाउनु भएको छ ।

ताप्लेजुङ र सिन्धुपाल्चोकमा उहाँका आफ्नै लगानीका जलबिद्युत आयोजना निमार्णाधिन अवस्थामा छन् । इञ्जिनियरिङ पेशाबाट बचेको समय गीत–संगितमा खर्चदै आउनु भएका उहाँ पछिल्लो समय अब्बल सांगितिक श्रष्टाको रुपमा उदाउदैं हुनुहुन्छ ।