कर्णाली प्रदेशमा स्वास्थ्यकर्मीसहित थप २५ जनामा कोरोना पुष्टि
काठमाडौँ। कणाली प्रदेशमा थप २५ जनाका कोरोना सङ्क्रमणको पुष्टि भएको छ। कर्णाली स्वास्थ्य विज्ञान प्रतिष्ठानको अनुसार २ स्वास्थ्यकर्मीसहित थप २५ जनामा कोरोना सङ्क्रमणको पुष्टि भएको हो।
प्रतिष्ठानमा सम्पूर्ण चिकित्सक, स्वास्थ्यकर्मी तथा कर्मचारीको पिसीआर परीक्षण गरिएकोमा २ स्वास्थ्यकर्मी, १ जना भर्ना भएका बिरामी तथा परीक्षणका लागि आएका अन्य २२ जना गरी २५ जनामा कोरोना पुष्टि भएको जनाइएको छ। सङ्क्रमित सबै जना प्रतिष्ठानको आइसोलेसन वार्डमा रहेको र उनीहरूको अवस्था सामान्य रहेको प्रतिष्ठानले जनाएको छ।
आजै बिहान गण्डकी प्रदेशमा पनि थप २५ जनामा सङ्क्रमण पुष्टि भएको थियो।
