नेपालमा कोरोना सङ्क्रमितको सङ्ख्या ९ हजार नाघ्यो, २३ को मृत्यु
काठमाडौँ। नेपालमा आइतबार थप ४ सय २१ जनामा कोरोना सङ्क्रमणको पुष्टि भएको छ। स्वास्थ्य तथा जनसङ्ख्या मन्त्रालयका अनुसार यो सँगै कुल सङ्क्रमितको सङ्ख्या ९ हजार २६ पुगेको छ।
साथै १९४ जना उपचार पछि निको भएर घर फर्किएका छन्। निको हुनेमा १८६ पुरुष र ८ महिला छन्। यो सँगै कुल निको हुनेको सङ्ख्या १ हजार ७ सय ७२ पुगेको छ। त्यस्तै नेपालमा अहिले सम्म कोरोनाबाट मृत्यु हुनेको सङ्ख्या २३ पुगेको छ।
विगत २४ घण्टामा ८ हजार ६ जनाको पिसिआर परीक्षण गरिएको छ। हालसम्म १ लाख ७५ हजार बढीको पिसिआर परीक्षण भएको मन्त्रालयले जनाएको छ।
