फरक मत दर्ता गर्न च्यासल जादै कर्ण थापा
काठमाडौं।नेकपा (एमाले) को सचिवालय बैठक अघि पूर्व उपाध्यक्ष विद्यादेवी भण्डारी समूहको तर्फबाट स्थायी कमिटी सदस्य कर्ण थापाले फरक मत दर्ता गर्ने भएका छन् । एमाले सचिवालय बैठक बिहीबार दिउँसो ३ बजे बस्दैछ।
पार्टी केन्द्रीय कार्यालय च्यासलमा बस्ने बैठकमा विधान महाधिवेशनमा प्रस्तुत हुने प्रतिवेदनमाथि छलफल हुने सचिवालय बैठक अघि नै थापाले पार्टी मुख्यालय च्यासलमा गएर फरक मत दर्ता गराउन लागेका हुन् ।
शुक्रबारबाट ललितपुरको गोदावरीस्थित सनराइज हलमा सुरू हुने बैठकमा प्रस्तुत हुने राजनीतिक, सांगठनिक, विधान संशोधन र केन्द्रीय आयोग (निर्वाचन, लेखा, आर्थिक लगायत) हरूका प्रतिवेदनमाथि छलफल हुने र पारित गर्ने कार्यसूची छ।
यसअघि केन्द्रीय कमिटी बैठक बोलाएर यी प्रतिवेदन पारित गर्ने तयारी भए पनि समय अभावलाई कारण देखाउँदै बैठक स्थगित गरिएको थियो। यसैबीच आज बस्ने सचिवालय बैठकमा उपाध्यक्षद्वय सुरेन्द्र पाण्डे, युवराज ज्ञवाली र स्थायी कमिटी सदस्य कर्ण थापाको फरक मतबारे पनि छलफल हुनेछ।
यो पनि पढ्नुहोस्
