आज उपाधिको लागि मोरङसँग सिराहाको भिडन्त
ताप्लेजुङ ।अन्तर्राष्ट्रिय आमन्त्रण दोश्रो ताप्लेजुङ गोल्डकपको फाईनल खेल आज हुदैछ आज २ः ३० बजे देखि खेल शुरु हुने आयोजकले जनाएका छ । आज उपाधिको लागि सलहेश युवा क्लब सिराहा र सगरमाथा युथ क्लब मोरङले प्रतिस्पर्धा हुदैछ ।
शनिवार भएको सेमिफाइनल खेलमा ट्राइबेकरमा ४–२ गोल अन्तरले झापाको बिर्तामोड फुटबल क्लब पराजित गर्दै सिराहा फाइनलमा प्रवेश गरेको हो । निर्धारित समयमा दुवै टिमबाट एक एक गोलको बराबरी भए पछि खेल इन्जुरी समयमा धकेलिएको थियो तर उक्त समयमा पनि गोल हुन नसके पछि खेल ट्राइबेकरमा धकेलिएको थियो ।
ताप्लेजुङको सङ्घर्ष स्पोर्टिङ युवा क्लबलाई २–१ ले पराजित गर्दै मोरङ फाइनलमा प्रवेश गरेको हो ।विजेताले ५ लाख र उपविजेताले २ लाख ५० हजार ५ सय ५५ रुपैयाँ सहित ट्रफी, मेडल र प्रमाण पत्र प्राप्त गर्ने छन् ।
आज फाइनल खेलका लागि २ सय ५० रुपैयाँ टिकट दर निर्धारण गरिएको समितिले जनाएको छ । दर्शकका सुविधाका लागि करिब ७ लाख बढी रकम खर्चेर बाँसको अस्थायी प्याराफिट निर्माण गरिएको हो ।
खेल अवलोकन गर्नका लागि बालबालिका, वृद्धवृद्धा तथा फरक क्षमता भएकाहरूलाई भने प्रवेश निःशुल्क गरिएको छ । अन्य दर्शकको हकमा भने टिकट काटेर मात्रै मैदानमा प्रवेश गरिदिन समितिले आग्रह गरेको छ
