फाईनल प्रवेशका लागि झापा र सिराहा भिड्दै

ताप्लेजुङ । ताप्लेजुङ गोल्डकपको आज हुने दोश्रो सेमिफाईनल खेलमा बिर्तामोड फुटबल क्लब झापा र सहलेश फुटवल क्लब सिराहा भिड्दै छन् ।
।
आज २ः३० बजे हुने खेलमा झापा उत्कृष्ट खेलाडी सहित मैदानमा उत्रने छन भने सहलेश फुटबल क्लब मधेश प्रदेशकै उत्कृष्ट टीम भएको कारण पनि आजको खेल रोचक हुने आयोजकको भनाई छ ।
झापाले विभागिय टिम त्रिभुवन आर्मीलाई र सिरहाले पाँचथरलाई पराजित गर्दै सेमिफाईनलमा प्रबेश गरेका हुन् । हिजो भएको पहिलो सेमिफाईनल खेलमा ताप्लेजुङको संघर्ष स्पोर्टिङ फुटवल क्लबलाई २–१ ले पराजित गर्दै सगरमाथा युथ क्लब मोरङ फाईनलमा प्रवेश गरेको हो ।
भदौ १० गते हुने फाईनल प्रतियोगिताको विजेताले ५ लाख र उपविजेताले २ लाख ५० हजार ५ सय ५५ रुपैयाँ सहित ट्रफी, मेडल र प्रमाण पत्र प्राप्त गर्ने छन् ।