डोको क्यारी रनको उपाधि कार्कीको हातमा

ताप्लेजुङ–ताप्लेजुङ पर्यटन महोत्सव २०८१ को चौथो दिन आज भएको डोको क्यारी रन प्रतियोगितामा फक्ताङलुङ गाउँपालिका ताप्लेजुङका छत्र कार्कीले उपाधि हात पारेका छन ।

कार्कीले फुङलिङ ५ महोत्सवस्थलबाट पैंयुबोटेमा रहेको सानो पाथीभरा मन्दिर सम्मको दुरी १ घण्टा १५ सेकेण्डमा पार गरेका थिए । यसै गरी पाँचथर फिदिमका विशाल राईले १ घण्टा १९ सेकेन्डमा निर्धारित दूरी पार गरि दोस्रो भए । त्यस्तै मिक्वाखोला ३ लिवाङका मिङ्मा विचारी शेर्पा निर्धारित दुरी १ घण्टा २० सेकेन्डमा पार गर्दै तृतीय भए । यस्तै चौथो , पाचौ ,छैटौ ,सातौ ,आठौ ,नवौ र दशौ क्रमस सञ्च बहादुर शेर्पा ,फुरलाक्पा शेर्पा,वाङगेल शेर्पा दीपेन्द्र सुजी ,अमिर लिम्बू लाक्पानुपु शेर्पा र आसकुमार लिम्बू रहेकाछन । प्रतियोगितामा १८ जना धावकले १५ किलो वजन डोकोमा बोकी दौडीएका थिए ।
प्रतियोगितामा प्रथम हुनेले नगद ३० हजार,दोस्रो हुनेले २० हजार र तेस्रो हुनेले १० हजार रुपैयाँ पाउने छन । प्रतियोगितामा चौथो देखि दशौं नम्बरका धावक सहभागीहरूले जनही १ हजार रुपैयाँ प्राप्त गर्ने आयेजकले बताएकाछन् ।