ताप्लेजुङमा नेपाल संम्बत ११४३ मनाईयो (फोटो फिचर)
ताप्लेजुङ। नेपाल भाषा तथा सांस्कृतिक समाज ताप्लेजुङको आयोजनामा बुधबार नेपाल संवत ११४३ को अवसरमा शुभकामना आदानप्रदान कार्यक्रम सम्पन्न भएको छ । सदरमुकामबाट लाखेसहित निकालिएको र्याली फुङलिङ नरपालिका ४ स्थित भिन्तुनामा पुगेर कार्यक्रममा परिणत भएको थियो । कार्यक्रममा नेपाल संवतको महत्वको बारेमा चर्चा गरिएको थियो ।
नगरपालिका नगरप्रमूख अमिर मादेनको प्रमूख आथिथ्यतामा आयोजित कार्यक्रममा राष्ट्रिय विभूती सङ्खधर साख्वाको बारेमा सहभागीले चर्चा गरे । समाजका वरिष्ठ उपाध्यक्ष अम्बिकाराज भण्डारीले स्वागतसहित कार्यक्रमबारे जानकारी दिए । समाजका पुर्व जिल्ला अध्यक्ष निरोज श्रेष्ठले नेपाल संवत र म्हस् पुजाको विषयमा प्रष्ट पारे । नगरप्रमूख मादेनले नेवार समुदायसहित नगरभित्रका सवै समुदायको विकासमा सहयोग गर्ने बताए ।
नगर उपप्रमूख भिमादेवी ओझाले नगरसरकारले आदिबासी जनजातिको हितमा काम गर्न कन्जुस्याँई नगर्ने बताए । आदिबासी जनजाति महासँघ जिल्ला समन्वय परिषदका उपाध्यक्ष वाङ्गे शेर्पाले विगतमा नगरसरकारले बजेट दिन्छु भनेर झुक्याएको भन्दै गुनासो गरे ।
उपाध्यक्ष शेर्पाले भने,‘संग्राहलय बनाउन जग्गा खोज्न भनेकाले खोज्यौ । तर नगरपालिकाले दिएन ।’ होटल व्यवसायी सँघका अध्यक्ष दिनेश खवासले सबै जनजाति समुदायको विकासमा नगरसरकारले सहयोग गर्नुपर्नेमा जोड दिए । नेपाल पत्रकार महासँघका अध्यक्ष आनन्द गौतमले नेवार समुदायले लाखेजात्रामा संञ्चालन गर्ने लाखेनाचको प्रशंसा गरे ।
जिल्लाको पर्यटन प्रबर्दनमा लाखेजात्रा पर्वले टेवा मिलेको अध्यक्ष गौतमले बताए । समाजका अध्यक्ष शकर श्रेष्ठले चालु आवमा नगरपालिकाले विनियोजना गरेको ६ लाख रुपैयाँले घेराबारा गर्ने बताए । अध्यक्ष श्रेष्ठले भने,‘लाखेनाचमा पनि नगरसरकारले २ लाख दियो । पुन घेराबारा गर्न ६ लाख विनियोजन गरेकोमा आभारी छौ ।’ समाजका सचिव अरुण श्रेष्ठले कार्यक्रम संञ्चालन गरे ।
यो पनि पढ्नुहोस्
