ताप्लेजुङको फुङलिङ नगरपालिका ६ मा ट्याक्टर दुर्घटना, ४ घाइते
मदन गौतम
ताप्लेजुङ । फुङलिङ नगरपालिका ६ सेती चौतारा छेउमा टयाक्टर दुर्घटना भएको छ । फावखोलाबाट सदरमुकाम आँउदै गरेको ना छ स ४७४३ नम्बरको ट्याक्टर दिउसो ३ः१५ बजे दुर्घटना भएको हो ।
ट्रयाक्टरमा सवार ४ जना घाइते भएका छन् । घाईते हुनेमा फावाखोला ६१ वर्षका पुर्णहाङ लिम्बू , १८ बर्षका प्रकाश बुढाथोकी , सिरिजंघा ६ का २४ वर्षका विकास लिम्बू र सिरिजंघा ३ का २१ वर्षका सिपन सुब्बा रहेका छन ।
दुई जनाको जिल्ला अस्पतालमा उपचार भइरहेको छ । गम्बिर घाइते भएका पुर्णहाङ लिम्बू र सिपन सुब्बालाई थप उपचारका लागि जिल्ला बाहिर रेफर गरिएको छ ।
दुर्घटनाको कारण भने खुलेको छैन अनुसन्धान भइरहेको छ । ट्याक्टरका चालक फरार रहेको जिल्ला प्रहरी कार्यालयले जनाएको छ ।
यो पनि पढ्नुहोस्
