मेयर कप : फक्ताङलुङ, पाथीभरा याङवरक, सिद्धिङवा र सिरीजङ्घा सेमिफाइनलमा
मदन गौतम
फुङलिङ । फुङलिङ नगरपालिकाको आयोजनाले मेयर कप अन्तर पालिका स्तरीय भलिबल प्रतियोगितामा आज ५ वटा खेल सम्पन्न भएका छन ।
विहीबार स्थगित खेल र प्रिक्वार्टरफाइनल चरणका खेल सकिएका छन । सेमिफाइनलमा फक्ताङलुङले फुङलिङलाई हराउँदै सेमिफाइनलमा पाथीभरा याङवरक गाउपालिका सँगको भेट पक्का गरेको छ ।
यस्तै मैवाखोला सँग सहज जित निकालेर सिरीजङ्घाले सिद्धिङवा सँग सेमिफाइनलमा खेल्ने भएको छ । मेरिङदेनलाई पछि पार्दै सिद्धिङवा सेमिफाइनलमा पुगेको हो भने पाथिभरा याङवरकले मिक्वाखोलालाई हराउँदै सेमिफाइनलमा पुगेको छ ।
२०७५ साल देखि वडा स्तरमा गरिएको मेयर कप पुरुष भलिबल प्रतियोगिता २०७६ बाट स्तर वृद्धि गरि अन्तर पालिका स्तरीय रुपमा खेलाउन थालिएको हो । प्रतियोगितामा ताप्लेजुङका सम्पूर्ण ९ वटा पालिकाहरूको सहभागिता रहेको छ ।
प्रतियोगिता लिगकम नकआउट प्रणालीका आधारमा खेलाइने छ । प्रतियोगिताको विजेता हुने पालिकाले नगद रु दुई लाख ५० हजार एक सय साथ मेडल प्रमाण पत्र र कप पाउने छन् भने उपविजेताले एक लाख पचास हजार एक सयसहित मेडल प्रमाण पत्र र कप प्राप्त गर्ने छन् ।
साथै तृतीय हुने पालीकाले नगद रु चालीस हजार एक सयका साथ मेडल प्रमाण पत्र र कप प्राप्त गर्नेछन् । शनिबार सेमिफाइनल तथा फाइनल खेल सँगै पुरस्कार वितरण तथा तेस्रो संस्करण को मेयर कप २०७८ को समापन हुने आयोजकले जनाएको छ ।
यो पनि पढ्नुहोस्
