नेकपा एमाले ताप्लेजुङको सिपाही

काठमाडौं । सुदुर पूर्वी जिल्ला ताप्लेजुङको पाथीभरा याङवरक गाउँपालिका ५ चाक्सिबोटेमा बुबा जसबहादुर साम्सोहाङ र माता फिपावती साम्सोहाङको कोखबाट वि. सं. २०२७ साल मंसिर ३ गते जन्मेका बलबहादुर साम्सोहाङ राजनीतिमा समर्पित व्यक्तित्व हुन् ।

उनले  वि.सं. २०४६ सालमा  सिनाम मा।बि। ताप्लेजुङबाट  एसएलसी  पुरा गरेका हुन् । वि.सं. २०५० सालमा पाथीभरा बहुमुखी क्याम्पस ताप्लेजुङबाट प्रमाणपत्र तह पुरा गरी महेन्द्र रत्न बहुमुखी क्याम्पस इलामबाट राजनीति र अर्थशास्त्रमा स्नातक गरेका छन् ।

उनले लामो समयसम्म आफ्नै जिल्लाको विद्यार्थी आन्दोलनको नेतृत्व गर्दै अखिल जिल्ला कमिटी अध्यक्ष, केन्द्रीय कमिटी सदस्य भई विद्यार्थी आन्दोलनको अगुवाइ गरे । नबौँ जिल्ला अधिवेशनबाट नेकपा एमाले जिल्ला कमिटी सचिवको जिम्मेवारी पुरा गर्दै  दशौँ अधिवेशनबाट अध्यक्षको नेतृत्व लिएका साम्सोहाङ निरन्तर पार्टी निर्माणमा त्याग र योगदान गरेका व्यक्ति हुन् । उनको नेतृत्व कालमा ताप्लेजुङ जिल्लाले निर्वाचनमा प्राप्त गरेको ऐतिहासिक विजय नेपाली कम्युनिष्ट आन्दोलनकै इतिहासको गर्व गर्न लायक छ ।

२०५४ सालमा स्थानीय निर्वाचनमा चाक्सिबोटे गा.बि.स.बाट उपाध्यक्षमा निर्वाचित भएका उनी आफ्नो जन्मभूमि प्रतिको समर्पण र जनता बिच लोकप्रियताका आधारमा २०७४ सालमा ताप्लेजुङ क्षेत्र नं. १ बाट प्रदेशसभाको सदस्यमा निर्वाचित भएका हुन् । जनताको शिक्षा, स्वास्थ्य र सामाजिक जीवनस्तर उठाउन योगदान गरेका साम्सोहाङ २०५५ सालमा चाक्सिबोटे मा।बि।को व्यवस्थापन समितिको अध्यक्ष भए । नेपालकै विशिष्ट सांस्कृतिक गन्तव्य पाथीभरा क्षेत्रको विकासमा उनले पाथीभरा क्षेत्र विकास समितिको कार्यकारी निर्देशक भएर काम गरे ।

सामाजिक सेवामा समर्पित व्यस्तताका कारण उच्च शिक्षा लिन नपाए पनि आफ्नो जिल्लाका विद्यार्थीले जिल्लामै उच्च शिक्षा प्राप्त गर्ने पाथीभरा बहुमुखी क्याम्पसको व्यवस्थापन समिति अध्यक्षका भै शिक्षा उन्नयन गर्दै सेवा गरे । सुदूर दुर्गम ताप्लेजुङ जिल्लाको विकासका साथै दुर्गम क्षेत्र विकास समितिको सदस्य भएर दुर्गम क्षेत्रको विकास र उन्नतिका लागि उल्लेख्य काम गरेका छन् ।

उनले जनताका पक्षमा सेवा गर्ने क्रममा अनेक समस्याहरू पनि झेल्नु परेको छ ।प्रहरी हिरासतमा पटक पटक यातना साथै जेल बन्दी भएका छन् । २०४० साल चैत्र १९ गते तत्कालीन चाक्सिबोटे नि।मा।बि।बाट पक्राउ परेका उनी १९ दिन प्रहरी हिरासतमा राखिए पछि ३ महिना तारेखमा राखिएको थियो ।  उनको श्रीमतीको निधन र भरखरै आफ्नी ममतामयी आमाको निधनको कठोर पिडामा समेत पार्टी नेतृत्व र आन्दोलनमा आफुलाई अविछिन्न समर्पित गरि रहेका छन् ।

पार्टी संगठनमा आवद्ध
वि.सं. २०३८ मा पार्टी सम्पर्क भएका उनी वि।सं। २०३९ सालमा चाक्सिबोटे नि।मा।बि।मा अनेरास्वबियुमा आवद्ध भए । २०४५ सालमा अनेरास्ववियुको जिल्ला कमिटीको आठौं सम्मेलनबाट अध्यक्षमा निर्वाचित भएका थिए । २०४७ सालमा अनेरास्ववियुको जिल्ला कमिटीको नवौं सम्मेलनबाट पुन अध्यक्षमा निर्वाचित  भएका थिए । उनले  २०४७ मंसिर १० गते पार्टी सदस्यता प्राप्त गरेका थिए ।

पुनस् २०४९ सालमा अनेरास्ववियुको जिल्ला कमिटीको एघारौं सम्मेलनबाट अध्यक्षमा निर्वाचित भएका उनी २०५० सालमा अनेरास्ववियुको बाह्रौ राष्ट्रिय सम्मेलनबाट केन्द्रीय कमिटीको सदस्यमा निर्वाचित भए । २०५१ मा नेकपा एमाले जिल्ला कमिटीको सदस्यमा मनोनित  भए । यस पछि दशौँ वर्ष सम्मपार्टी कार्यालय सचिव भए । २०६६ पौषमा सम्पन्न पार्टीको नवौं जिल्ला अधिवेशनबाट सचिवमा निर्वाचित भए । २०७१ मंसिरमा सम्पन्न पार्टीको दशौँ जिल्ला अधिवेशनबाट अध्यक्षमा निर्वाचित भएका साम्सोहाङ हाल नेकपा एमाले जिल्ला कमिटीका संयोजकको जिम्मेवारी निर्वाह गरेका छन् ।

जनप्रतिनिधिको अनुभव
२०५४ सालमा तत्कालीन चाक्सिबोटे गा।बि।स।को उपाध्यक्षमा निर्विरोध निर्वाचित भए । २०७४ सालमा ताप्लेजुङ क्षेत्र नं.१ बाट प्रदेशसभाको सदस्यमा निर्वाचित भए। प्रदेश सरकार सुशाशन तथा योजना समिति सदस्य पनि भए । यो संगै २०७८ भाद्र ११ गते एक नंबर प्रदेश सरकारको सामाजिक विकास मन्त्री भए ।

सामाजिक कार्यको अगुवाई
२०५५ सालमा चाक्सिबोटे मा.बि.मा व्यवस्थापन समितिको अध्यक्ष भए । २०६३ सालमा पाथीभरा क्षेत्र विकास समितिको कार्यकारी निर्देशकमा संस्कृति पर्यटन मन्त्रायलबाट नियुक्ति भए । २०६ असोज २ गते पाथीभरा बहुमुखी क्याम्पसको अध्यक्षमा त्रि।बि।बाट मनोनयन भएका थिए । यस्तै २०६८ असार १५ गते दूर्गम क्षेत्र विकास समितिको सदस्यमा स्थानीय विकास मन्त्रालयबाट मनोनयन भए  । यो सँगै २०७० बैसाख ५ पाथीभरा बहुमुखी क्याम्पसको अध्यक्षमा त्रि।बि।बाट मनोनयन भएका थिए । प्रदेश न १ का सामाजिक विकास मन्त्री भएर निकै राम्रो कामका थालनी समेत गरेका थिए ।

ताप्लेजुङका जनताका साथी बल बहादुर साम्सोहाङ सादगी र एक इमान्दार जनताका सेवकका रुपमा परिचित छन् । पौष २३-२४ गते हुन गई रहेको नेकपा एमालेको जिल्ला अधिवेशनबाट एमाले विरासत र ऐतिहासिक निरन्तताका लागी बल बहादुर साम्सोहाङ पुन जिल्ला कमिटी अध्यक्ष हुनु पर्ने एमाले कार्यकर्ताहरुको मत रहेको छ।