नेपाल समूहको स्थायी कमिटी बैठकको निर्णय : सरकारमा नजाने, पार्टी एकतामै ध्यान दिने
काठमाडौं । नेकपा एमालेको माधव नेपाल समूहले पार्टी तत्कालमा देउवा सरकारमा सहभागी नहुने र पार्टी एकता नै गर्न पहल गर्ने निर्णय भएको छ ।
सोमबार बसेको नेपाल समूहको स्थायी कमिटी बैठकले तत्काल सरकारमा नजाने र एकताको पहलमै ध्यान दिने निर्णय भएको बताइएको छ ।
साथै, पार्टी एकता प्रक्रिया अघि बढिरहेको अवस्थामा कुनै पनि पक्षले अवरोध सिर्जना गर्ने खालका कामहरु नगर्न पनि बैठकमा छलफल भएको छ । साथै, सोमबार ओली समूहको स्थायी समितीको बैठकले ९ वटा विभाग गठन गरेर त्यसको जिम्मेवारी पनि तोकेका छन् ।
पार्टी एकताका लागि पुनः अध्यक्ष केपी शर्मा ओली र नेपालबीच पनि भेटवार्ता छिट्टै हुने बताइएको छ । तर, कहिले भेट हुने भन्नेमा मिति तय भइसकेको छैन ।
यो पनि पढ्नुहोस्
