मतभेद साम्य पार्न देउवाले निवासमै बोलाए बैठक
नेपाली कांग्रेसका सभापति शेरबहादुर देउवाले पार्टीभित्रको मतभेद साम्य बनाउन बूढानिलकण्ठस्थित निवासमा बैठक राखेका छन्। वरिष्ठ नेता रामचन्द्र पौडेल, पूर्वमहामन्त्री कृष्णप्रसाद सिटौलासहित वर्तमान र पूर्व कार्यसमितिका केन्द्रीय पदाधिकारी बैठकमा सहभागी छन्।
आइतबार अपरान्ह सुरू भएको बैठक सोमबार बस्ने केन्द्रीय कार्यसमिति बैठकका एजेन्डामा केन्द्रित छ।
सभापति देउवा समूहले बहुमतका आधारमा केन्द्रीय सदस्य स्वत: महाधिवेशन प्रतिनिधि हुन पाउने व्यवस्था विधानमा राखेपछि पौडेल र सिटौला समूहले लिखित असहमति राखेर बैठक बहिस्कार गर्ने चेतावनी दिँदै आएका छन्।
सभापति देउवाले सहमतिमै पार्टीभित्र अनुशासन समिति कसरी बनाउने भन्नेबारे पनि छलफल गर्न बैठक राखेका हुन्।
